如果有一日妳媽媽同妳講「我而家學打鼓夾band」妳會有咩反應？
妳有冇諗過點解佢而家先去學？
今次小編搵嚟幾位已經年過半百（個樣唔似㗎😎✌🏻），但心境依然係少女心，而且仲好有火。
我哋嘅訪問內容，妳會感受到佢哋嗰團火仍在暖暖的。
去到最後我忍唔住都同佢哋夾吓歌🎤😎玩得好開心！記得睇埋落去🙋🏻♂️
1）人物介紹：
我最好奇嘅就係妳哋其實以前有冇玩個音樂㗎？
Elly彈琴
細個係有學彈琴，曾經參與合唱團。
訪問中仲透露以前嘅年代男生拿住個結他就好容易識到女仔。
多數約埋三五知己去郊外（城門水塘）就全日係咁唱係咁彈。
以前嘅生活比較簡單純樸，所以咁就可以玩一日㗎喇，而且係咁樣識到伴侶。
😂好好笑，小編仲問佢啲男生識到女仔會唔會錫吓咀仔㗎？ 佢話唔會喎，真係好純情（比起而家😂）
入返正題，問到當時細個有冇諗過音樂做職業？ 佢話冇呀，反而仲要細個出去教琴幫補自己嘅生活開支！
Joee 打鼓
對於打鼓嚟講，白紙一張！嚟到呢度開開心心，學嘢已經好足夠。
以前係跳舞嘅，黎呢度學打鼓，學咗打鼓之後最大得益就係左右可以協調拍子，學多幾堂開始感覺到拿捏得好啲！好希望可以一路學落去。
Daisy 結他
曾學過鋼琴，當時覺得好悶，學咗四堂就停咗。
之後失戀就學人彈結他，感受到音樂入心嘅感覺！從此鍾意咗彈結他🎸
我對結他仲有一個目的，就係想喺街頭玩busking👏🏼
Tina 打鼓
由細到大都好鍾意唱歌，大個咗經常去唱KTV，自從接觸咗live Band之後，已經冇再去唱KTV！真係返唔到轉頭。（小編都好有同感。）
好希望同班師姐師妹一齊夾band。（加油！我做你哋經理人吖😂）
2: 點解會接觸返？同埋嚟呢度玩？
有啲就因為個家姐學，見到就一齊學，有啲就退咗休冇乜嘢做，搵啲世藝，尋獲返以前嘅回憶，
3） 而家去夾band學結他、打鼓 屋企人有冇反對？
以前細個嘅時候爸爸媽媽絕對會反對玩音樂，話冇前途。
但而家自己嘅家庭包括老公仔女就唔會反對喎，有得你㖭👏🏼😂
而且仲有啲訪問者仲好想作歌，對於將來有啲想做音樂，學多啲音樂嘅知識，最開心係感覺到自己不停咁進步緊，每天都會比較充實。
（希望妳哋成功啦）
最後訪問埋杜Sir
杜Sir 有話：
好有緣份咁識到佢哋，喺唔同嘅階層互相認識，一齊追尋夢想，真係好開心。
我以前係玩結他，人大咗就好難夾到一齊夾band，之後做廠嘅時候放低咗結他27年。
現在將自己嘅工作地方改為Band房，最初頭得一個學生，根本都唔夠開支，就係因為嗰條火，令到我繼續，一直堅持💪🏼
慢慢一個介紹一個開始多人喇！
由一張白紙開始慢慢教導佢可以有彈又唱嗰種滿足感無法形容。
小編感受：
其實每個人都會經歷後生、中年、老年！
後生嘅時候一定會有一啲好想做嘅嘢，但係以前嘅年代，大多數都係為咗搵食而放棄一切，出去打工幫補家計，唔好話追夢，連食得飽都可能好難，仲要顧住自己嘅小朋友！所以真係好偉大，為咗我哋放棄所有一切。
而家嘅我哋（年青人）係比較幸運的，所以返去大力啲錫啖自己嘅爸爸媽媽。
影片：
「這個訪問會用輕鬆同埋口語化嘅方式演繹」
鳴謝場地提供：HK Polo TV